جج امجد علی شاہ نے علیمہ خان کی حاضری استثنیٰ کی درخواست مسترد کر دی اور مقدمہ کی سماعت روزانہ کی بنیاد پر کرنے کا حکم دے دیا۔ استغاثہ کی جانب سے مقدمہ کے تمام 18 گواہوں کی شہادتیں ریکارڈ ہونے کے بعد پانچ ملزموں کے وکلا نے تمام گواہوں پر جرح مکمل کر لی۔ گزشتہ روز سماعت پر 9 ملزم حاضر تھے، تمام گواہ بھی پیش ہوئے۔

یہ بھی پڑھیں: پی ٹی آئی نے مزار قائد پر جلسے کی اجازت مانگ لی

سماعت کے آغاز پر علیمہ خان کے وکیل فیصل ملک نے ملزمہ کی حاضری معافی کی درخواست دی اور موقف اختیار کیا کہ ملزمہ کی لاہور میں مختلف مقدمات میں عدالتوں میں پیشی ہے۔ پراسیکیوٹر سید ظہیر شاہ نے کہا کہ مقدمے کی 28 سماعتیں ہو چکی ہیں لیکن ان کے روئیے کی وجہ سے کیس سست روی کا شکار ہے، استدعا ہے کہ آج سے روزانہ کی بنیاد پر مقدمے کی سماعت مقرر کی جائے۔