تفصیلات کے مطابق وزیراعظم شہباز شریف اور وزیر داخلہ محسن نقوی کی ہدایت پر نادرا نے کئی اقدامات کئے ہیں۔ قومی شناختی کارڈ قوانین میں ترمیم کے ذریعے بائیومیٹرک کی تعریف وسیع کر دی گئی ہے۔ پاک آئی موبائل ایپ پر چہرے کی شناخت سے بائیومیٹرک تصدیق کی سہولت دی گئی ہے۔
یہ بھی پڑھیں: نادرا کا شناختی نظام میں نئی تبدیلیاں متعارف کروا نے کا فیصلہ
20 جنوری سے تمام نادرا مراکز میں چہرے کی شناخت پر مبنی بائیومیٹرک تصدیقی سرٹیفکیٹ کا اجراء ہو گا۔ شہری ضرورت پڑنے پر معمولی فیس کے عوض سرٹیفکیٹ حاصل کر سکیں گے۔ فنگر پرنٹس کی تصدیق نہ ہونے پر شہری قریبی نادرا رجسٹریشن مرکز جائے گا۔ چہرے کی شناخت کی کارروائی مکمل ہونے پر نادرا ایک سرٹیفکیٹ جاری کرے گا۔
اس پر تصویر، شناختی کارڈ نمبر، نام، ولدیت، منفرد ٹریکنگ آئی ڈی اور کیو آر کوڈ ہوگا۔ یہ سرٹیفکیٹ سات دن کے لئے قابلِ استعمال ہوگا۔ نادرا اس نظام کے نفاذ کے لئے مکمل طور پر تیار ہے۔ متعلقہ سرکاری و نجی اداروں سے ضروری اقدامات کی درخواست کر دی گئی۔
20 جنوری کے بعد اس سہولت کی دستیابی سے متعلق شکایت پر متعلقہ ادارے یا محکمے کو شکایت کریں۔ ڈیجیٹل آئی ڈی کے اجرا کے بعد یہ سہولت پاک آئی ڈی موبائل ایپ پر بھی دستیاب ہوگا۔
