چیف منسٹر ٹریکٹر پروگرام کے تحت پہلے فیز میں 50سے 75ہارس پاور کے 10ہزار ٹریکٹر ز کاشتکاروں کو مل گئے، دوسرے فیز میں 75سے 85 ہارس پاور کے 10 ہزار ٹریکٹر زکی قرعہ اندازی اور فراہمی کا عمل جاری ہے۔

پروگرام کے تحت ہر ہائی ہارس پاور ٹریکٹر پر 10 لاکھ روپے سبسڈی حکومت ادا کرے گی، حکومت پنجاب ہائی پاور ٹریکٹرز کیلئے 10 ارب روپے سبسڈی دے گی۔

وزیر اعلیٰ پنجاب ٹریکٹر سکیم کا تیسرا فیز جنوری 2026 میں شروع ہو گا، کاشتکاروں سے 50 سے 55 ہارس پاور ٹریکٹرز کے لیے درخواستیں جلد طلب کی جائیں گی، ہائی ٹیک فارم میکانائزیشن فنانسنگ پروگرام کے تحت 100 سے 120 ہارس پاور ٹریکٹر ز بلاسود قرض پر دیے جائیں گے۔

یہ بھی پڑھیں: پنجاب پولیس کا نیو ایئر نائٹ پر سکیورٹی پلان تشکیل

اس حوالے سے وزیراعلیٰ پنجاب مریم نواز نے کہا کہ صوبہ بھر کے کاشتکاروں کو ٹریکٹر کی فراہمی کا مقصد معاشی خودمختاری اور زیادہ پیداوار کا ہدف ہے، کاشتکار بھائی اپنے ٹریکٹر کے مالک بن رہے ہیں اس سے بڑھ کر خوشی کیا ہو گی۔

وزیراعلیٰ مریم نواز کا مزید کہنا تھا کہ حکومت پنجاب کسانوں کا فصل کی بوائی سے فروخت تک پورا ساتھ دے رہی ہے، کسانوں کو جدید زرعی مشینیں فراہم کرنے سے پنجاب کاشتکاری میں خود کفیل ہو گا، کھوکھلے نعروں کے بجائے عملی طور پر کسانوں کا سہارا بن رہے ہیں۔