مرحومہ کے انتقال کی خبر ملتے ہی تعزیتی پیغامات کا سلسلہ شروع ہو گیا جبکہ پارٹی قیادت اور کارکنان نے بھی دکھ کی اس گھڑی میں ملک ریاض اور ان کے اہلِ خانہ سے اظہارِ ہمدردی کیا ہے۔
خاندانی ذرائع کے مطابق مرحومہ کی نمازِ جنازہ آج بعد از نمازِ ظہر قلعہ لکشمن سنگھ ٹینکی والی گراؤنڈ میں ادا کی جائے گی، نمازِ جنازہ میں عزیز و اقارب، دوست احباب، سیاسی شخصیات اور علاقہ مکینوں کی بڑی تعداد کی شرکت متوقع ہے۔ انتظامیہ کی جانب سے جنازہ کے موقع پر سیکیورٹی اور دیگر ضروری انتظامات بھی مکمل کر لیے گئے ہیں۔
مسلم لیگ (ن) کے رہنماؤں کا کہنا ہے کہ مرحومہ ایک نیک سیرت اور ملنسار شخصیت کی مالک تھیں، جن کے انتقال سے خاندان ہی نہیں بلکہ پورے علاقے میں سوگ کی فضا قائم ہے۔ پارٹی کارکنان نے مرحومہ کے درجات کی بلندی اور اہلِ خانہ کے لیے صبرِ جمیل کی دعا کی ہے۔
یہ بھی پڑھیں:انقرہ میں طیارہ گر کر تباہ، لیبیا کے آرمی چیف جاں بحق
سیاسی مبصرین کا کہنا ہے کہ ذاتی غم کے اس موقع پر مختلف سیاسی جماعتوں کی جانب سے بھی تعزیت کا اظہار اس بات کا ثبوت ہے کہ دکھ اور غم کے لمحات میں سیاست سے بالاتر ہو کر یکجہتی کا مظاہرہ کیا جاتا ہے۔
اہلِ علاقہ نے بھی مرحومہ کی مغفرت اور لواحقین کیلئے حوصلے و صبر کی دعا کرتے ہوئے مرحومہ کو خراجِ عقیدت پیش کیا ہے۔
