محکمہ داخلہ پنجاب کے مطابق یہ اقدام صوبے میں میڈیا اور کاؤنٹر نیریٹو حکمت عملیوں کو مؤثر بنانے کیلئے اٹھایا گیا ہے۔

بھرتی کے اس عمل میں متعدد اہم عہدے شامل ہیں، جن میں ڈائریکٹر میڈیا اینڈ کمیونیکیشن، ڈیٹا اینالسٹ، میڈیا سیل سپروائزر، ویڈیو ایڈیٹر / اینیمیٹر، گرافک ڈیزائنر، کانٹینٹ رائٹرز (انگریزی و اردو)، ایس ایم او ایکسپرٹ، کیمرہ مین / فوٹوگرافر اور میڈیا مانیٹرنگ اسسٹنٹس شامل ہیں۔

اہل اور تجربہ کار امیدواروں کو مارکیٹ کے مطابق پرکشش معاوضہ فراہم کیا جائے گا۔

محکمہ داخلہ کے اعلامیے کے مطابق خواہش مند امیدوار اپنی درخواستیں پنجاب جاب پورٹل www.jobs.punjab.gov.pk

 کے ذریعے آن لائن جمع کروا سکتے ہیں۔

یہ بھی پڑھیں:پاسپورٹ بنوانے کے خواہشمند افراد کیلئے بڑی خوشخبری

آن لائن درخواست کے بعد امیدواروں کو اپنی پرنٹ شدہ درخواست، سی وی (CV)، تصدیق شدہ شناختی کارڈ، ڈومیسائل، تعلیمی اسناد، تجربہ سرٹیفکیٹس، تعریفی اسناد اور دو عدد حالیہ پاسپورٹ سائز تصاویر رجسٹرڈ کوریئر کے ذریعے 5 جنوری 2026 تک سیکشن آفیسر (جنرل)، محکمہ داخلہ، پنجاب سول سیکرٹریٹ، لوئر مال، لاہور جمع کروانی ہوں گی۔

محکمہ داخلہ نے امیدواروں سے کہا ہے کہ وہ اپنی درخواستیں مقررہ تاریخ سے قبل مکمل اور درست دستاویزات کے ساتھ جمع کروائیں تاکہ بھرتی کے عمل میں شرکت یقینی بنائی جا سکے۔