تفصیلات کے مطابق پولیٹیکل کمیٹی میں 23 اراکین شامل ہیں۔ چئیرمین پی ٹی آئی گوہر علی خان اور سیکرٹری جنرل سلمان اکرم راجہ کمیٹی میں نامزد کر دیئے گئے۔ ایڈیشنل سیکرٹری جنرل فردوس شمیم نقوی اور سیکرٹری اطلاعات شیخ وقاص اکرم بھی سیاسی کمیٹی میں شامل ہیں۔ وزیراعلیٰ خیبر پختونخوا سہیل آفریدی کمیٹی کا حصہ ہوں گے۔
سینیٹ میں اپوزیشن لیڈر علامہ راجا ناصر عباس بھی کمیٹی میں شامل ہیں۔ قومی اسمبلی میں اپوزیشن لیڈر محمود خان اچکزئی کو کمیٹی میں شامل کیا گیا ہے۔ آؤٹ گوئنگ اپوزیشن لیڈر قومی اسمبلی عمر ایوب بھی کمیٹی کا حصہ ہونگے۔ سینیٹ کے سابق اپوزیشن لیڈر شبلی فراز کا نام بھی شامل ہے، پنجاب اسمبلی میں اپوزیشن لیڈر معین ریاض قریشی کمیٹی میں شامل ہیں۔
یہ بھی پڑھیں: شاہ محمود قریشی کی ضمانت کی درخواستوں پر سماعت ملتوی
سیاسی کمیٹی میں سابق اپوزیشن لیڈر پنجاب اسمبلی ملک احمد خان بھچر بھی نامزد کئے گئے ہیں۔ اوورسیز انٹرنیشنل چیپٹر کے سیکرٹری سجاد برکی بھی کمیٹی کا حصہ ہونگے۔ صوبائی آرگنائزرز عالیہ حمزہ، جنید اکبر، حلیم عادل اور داؤد کاکڑ کو شامل کیا گیا ہے۔ آزاد کشمیر اور گللگت بلتسان کے نمائندے خالد خورشید اور سردار قیوم نیازی بھی شامل ہیں۔
تحریک تحفظ آئی پاکستان (ٹی ٹی اے پی) کے سیکرٹری جنرل اسد قیصر کمیٹی میں شامل ہیں، چیف وہپ قومی اسمبلی عامر ڈوگر کا نام بھی شامل ہے، سینیٹ میں لیڈر آف اپوزیشن کی کوارڈینیٹر فوزیہ ارشد بھی شامل ہیں۔ ویمن ونگ کی صدر کنول شوزاب کمیٹی کا حصہ ہوں گی جبکہ مینارٹیز ونگ کے صدر لال چند ملہی بھی کمیٹی میں شامل ہونگے۔
نوٹیفکیشن کے مطابق کمیٹی 12 دسمبر سے فوری طور پر مؤثر ہو گی، سیاسی کمیٹی پارلیمانی ونگز اور اسمبلیوں کی پالیسی لائن طے کرے گی۔ مزید تقرریاں اور تبدیلیاں ضرورت کے مطابق کی جائیں گی، تجربہ کار اراکین پر مشتمل سب کمیٹیاں بھی تشکیل دی جائیں گی۔
