چیف جسٹس لاہور ہائیکورٹ نے فہمید نواز انصاری ایڈووکیٹ کی پاکستان میں کم از کم تنخواہ 1 ہزار ڈالر کے مساوی کرنے کی آئینی درخواست پر سماعت کی۔ درخواست میں وزیراعظم سمیت دیگر کو فریق بنایا گیا جس میں موقف اپنایا گیا کہ پاکستان برطانوی کالونی رہا اور وہی قوانین یہاں پر لاگو ہیں، عدالت سے استدعا ہے کہ پاکستان میں کم از کم تنخواہ 1 ہزار ڈالر مقرر کرنے کا حکم دے۔

یہ بھی پڑھیں: جج کے چیمبر سے 2 سیب چوری ہونے پر مقدمہ درج

چیف جسٹس نے رجسٹرار آفس کے اعتراض کو برقرار رکھا اور کہا کہ رجسٹرار آفس نے آپ کی درخواست پر اعتراض لگایا، آپ کی درخواست ہائیکورٹ میں قابلِ سماعت نہیں، درخواست کو داخل دفتر کرنے کیلئے حکم جاری کیا جانا ضروری ہے، درخواست میں کچھ چیزوں کو آپ یہاں چیلنج نہیں کرسکتے۔

لاہور ہائیکورٹ نے پاکستان میں کم از کم تنخواہ 1 ہزار ڈالر کے مساوی کرنے کی آئینی درخواست ناقابل سماعت قرار دے کر مسترد کر دی۔