میڈیا رپورٹس کے مطابق، یہ پروگرام ابتدائی طور پر 2025 تک منظور کیا گیا تھا لیکن وزیر اعظم نے اسے جون 2026 تک توسیع دی ہے۔

اب تک اسکیم کے تحت تین مراحل میں تقریباً 6لاکھ لیپ ٹاپ تقسیم کیے جا چکے ہیں اور حکومت نے پچھلے مہینے مزید 1لاکھ لیپ ٹاپ تقسیم کرنے کا اعلان کیا تھا۔

 طلباء کو ان کے متعلقہ یونیورسٹیوں اور ڈگری دینے والے اداروں  سے منتخب کیا جاتا ہے۔ اسکیم کی مجموعی لاگت PC-I کے تحت تقریباً 16 ارب روپے تخمینہ لگائی گئی تھی۔

دستاویزات کے مطابق سب سے زیادہ طلباء پنجاب سے منتخب کیے گئے ہیں۔علامہ اقبال اوپن یونیورسٹی کے طلباء کے لیے اسکیم میں الگ کوٹا دیا گیا تھاجس میں 5ہزار لیپ ٹاپ مخصوص کیے گئے۔

اسکیم کے معیار کے مطابق، ہر طالب علم جو پبلک سیکٹر یونیورسٹیوں یا DAls میں بی ایس (4 سالہ)، ایم ایس/ایم فل، اور پی ایچ ڈی پروگرامز میں داخلہ لیتا ہے، صرف ایک لیپ ٹاپ کے لیے درخواست دے سکتا ہے۔

یہ بھی پڑھیں: اب گھر بیٹھے آن لائن پاسپورٹ بنوائیں، طریقہ جانیے

 انتخاب ایچ ای سی کے آن لائن سسٹم کے ذریعے تعلیمی میرٹ کی بنیاد پر کیا جاتا ہے۔ ایک اہلکار نے کہا کہ اسکیم کی توسیع حکومت کی ڈیجیٹل رسائی بڑھانے اور اعلیٰ تعلیم کی حمایت کرنے کے عزم کو ظاہر کرتی ہے۔

انہوں نے مزید کہا کہ بہت سے کالج کے طلباء لیپ ٹاپ خریدنے کی استطاعت نہیں رکھتے جبکہ یہ اب طلباء کے لیے آن لائن کلاسز میں شرکت، تحقیق اور تعلیمی پروجیکٹس مکمل کرنے کے لیے بنیادی ضرورت بن گیا ہے، خاص طور پر سیلاب یا یونیورسٹی کی طویل بندش کے دوران۔ وزیر اعظم شہباز شریف کا ماننا ہے کہ ڈیجیٹل ٹولز تک رسائی بہتر بنانا ایک مقابلہ جاتی ورک فورس تیار کرنے کے لیے ضروری ہے جو قومی ترقی میں اپنا کردار ادا کر سکے۔

ایک سوال کے جواب میں، اہلکار نے فیز IV کے تحت لیپ ٹاپ تقسیم کرنے میں تاخیر کی وضاحت کرتے ہوئے کہا کہ یہ انتظامی وجوہات، جیسے کہ کئی یونیورسٹیوں کی گرمیوں کی تعطیلات اور دور دراز علاقوں تک آلات کی ترسیل کے مسائل کی وجہ سے ہوئی۔ تاہم، انہوں نے کہا کہ یہ مسئلہ اب حل ہو چکا ہے۔