نئے منصوبے کے تحت نظریہ قرآن اور ترجمے کے ساتھ قرآن کو کلاس 1 سے کلاس 12 تک نصاب میں رسمی طور پر شامل کیا جائے گا۔ کلاس 6 سے 8 کے طلباء کے لیے نئے کمپیوٹرایجوکیشن کی کتابیں متعارف کروائی جائیں گی جو پرانی ایڈیشنز کی جگہ لیں گی جو جدید ڈیجیٹل مہارتوں کے معیار پر پورا نہیں اترتیں۔

اس کے علاوہ محکمہ نے کلاس 6 سے 12 کے لیے الگ کتابیں منظور کی ہیں تاکہ سوشل میڈیا کے مثبت اور ذمہ دارانہ استعمال کو فروغ دیا جا سکے۔

اس سے قبل پنجاب ایجوکیشن کرِکیولم ٹریننگ اینڈ اسیسمنٹ اتھارٹی نے بھی اگلے تعلیمی سال میں مڈل اور ہائی کلاسز کے 29 کتابیں تبدیل کرنے کا فیصلہ کیا تھا۔

یہ بھی پڑھیں: 25 دسمبر کو عام تعطیل کا اعلان، نوٹیفکیشن جاری

کلاس 6 سے 9 کی کتابیں تبدیل کی جائیں گی اور کلاس 9 میں سب سے زیادہ تبدیلی ہوگی جس میں18 کتابیں تبدیل کی جائیں گی۔ اتھارٹی پہلے ہی نئی کتابیں تیار کرنے کا کام شروع کر چکی ہے۔

PECTAA نے تمام تعلیمی اداروں کو خط بھی جاری کیا ہے جس میں آئندہ تبدیلیوں کے بارے میں آگاہ کیا گیا ہے۔ اتھارٹی نے پبلشرز کو بھی ہدایت دی ہے کہ وہ نئے پرنٹنگ آرڈرز تیار کریں تاکہ نئے کتابیں وقت پر دستیاب ہوں۔