کراچی میں میڈیا سے گفتگو کرتے ہوئے سینئر صوبائی وزیر شرجیل انعام میمن کا کہنا تھا کہ شہر میں جاری ترقیاتی سکیموں کا مقصد کراچی کے بنیادی ڈھانچے کو مضبوط اور جدید بنانا ہے۔

انہوں نے بتایا کہ سوا 13 ارب کی لاگت سے کراچی ڈویلپمنٹ اتھارٹی کی 76 اسکیمیں اور 18 ارب 36 کروڑ کی لاگت سے کراچی میٹروپولیٹن کارپوریشن کی 200 اسکیمیں جاری ہیں، سندھ حکومت کراچی کو ایک جدید، محفوظ اور سہولتوں سے آراستہ شہر بنانے کے لیے تمام وسائل بروئے کار لا رہی ہے۔

یہ بھی پڑھیں: صوبائی وزیر ناصر حسین کا ای چالان کے حوالے سے اہم اعلان

پی پی پی رہنما کا کہنا تھا کہ عوام کے تعاون سے ترقیاتی عمل مزید تیز کیا جا رہا ہے، صوبائی حکومت کراچی کی ترقی کے لیے متعدد اہم منصوبوں پر تیزی سے کام کر رہی ہے، سندھ حکومت کے تحت جاری منصوبوں کا مقصد شہر کے انفراسٹرکچر کو جدید تقاضوں کے مطابق اپ گریڈ کرنا ہے۔

شرجیل میمن نے کہا کہ کراچی میں زیرِ تکمیل منصوبوں کے مکمل ہونے سے شہریوں کو نمایاں ریلیف ملے گا، مشکلات کے باوجود حکومت کوشش کر رہی ہے کہ منصوبے مقررہ مدت میں مکمل کیے جائیں۔