پی ٹی آئی کے مطابق پاکستان میں بڑی تعداد میں ایسے موبائل فون زیر استعمال ہیں جن پر کسٹم ڈیوائیز یا ٹیکس ادا نہیں کیے گئے اسی وجہ یہ عام صارفین کو سستے داموں مل جاتے ہیں۔ ادارے نے کہا کہ ڈی آئی آر پی ایس سسٹم کے تحت صرف وہی فون نیٹ ورک پر چل سکتے ہیں جو باضابطہ منظور شدہ ہوں۔

یہ بھی پڑھیں: دھوکا دہی سے بچیں: نادرا نے عوام کو خبردار کر دیا

بیان میں کہا گیا کہ شہری #06#* ڈائل کر کے اپنے 15 ہندسوں پر مشتمل آئی ایم ای آئی (IMEI) نمبر حاصل کریں اور PTA کی ویب سائٹ یا 8484 پر ایس ایم ایس کے ذریعے اپنے موبائل فون کا اسٹیٹس چیک کر سکتے ہیں۔

اتھارٹی نے شہریوں کو خبردار کیا کہ بلاک ہونے سے پہلے ہی اپنا موبائل فون رجسٹر کروائیں اور بلا رکاوٹ کنیکٹیویٹی سے مستفید ہوں، ذمہ دار ڈیجیٹل شہری کی حیثیت سے صرف پی ٹی اے سے منظور شدہ ڈیوائسز استعمال کریں۔

پی ٹی آئی نے زور دیا کہ رجسٹریشن کے بغیر فون خریدنے سے گریز کریں کیونکہ غیر منظور شدہ ڈیوائسز نہ صرف قانونا ممنوع ہیں بلکہ کسی بھی لمحے بند ہو سکتی ہیں۔