نادرا کی جانب سے جاری حالیہ پیغام میں بتایا گیا کہ کئی افراد نے اپنی شادیاں یونین کونسل میں رجسٹر تو کروالی ہیں لیکن ابھی تک نادرا کے ڈیٹا بیس میں اپنی ازدواجی حیثیت کو اپڈیٹ نہیں کروایا۔

اتھارٹی نے واضح کیا کہ ایسے تمام افراد کو چاہیے کہ وہ فوری طور پر نادرا سینٹرز کا رخ کریں تاکہ ان کا ریکارڈ درست اور تازہ ترین کیا جا سکے۔

یہ اپڈیٹ نادرا کی جانب سے شہریوں کے صحیح اور مکمل ڈیٹا کو برقرار رکھنے کی جاری کوششوں کا حصہ ہے۔

مزید یہ کہ نادرا نے شادی شدہ شہریوں کو اس حوالے سے آگاہ کرنے کے لیے ایکSMS سروس بھی متعارف کروائی ہے۔

یہ بھی پڑھیں: میٹرو بس اور اورنج لائن ٹرین کے لیے نئے کرایوں کی تجویز
 

شہری مزید معلومات یا رہنمائی کے لیے نادرا کی ہیلپ لائن 1777 ،051-111-786-100 پر رابطہ کر سکتے ہیں
یا نادرا کی آفیشل ویب سائٹ www.nadra.gov.pk پر جا سکتے ہیں۔

خیال رہے کہ نادرا پاکستان میں شناختی کارڈ پر ازدواجی حیثیت کی تبدیلی کے لیے 100 روپے وصول کرتا ہے، یہ تبدیلی غیر پرنٹ ایبل ترمیم (Unprintable Alteration) کے زمرے میں آتی ہے۔

درخواست دہندگان کو لازمی طور پر نکاح نامہ یا شادی کا سرٹیفکیٹ جیسی متعلقہ دستاویزات فراہم کرنی ہوں گی تاکہ ان کا ریکارڈ باقاعدہ طور پر اپڈیٹ کیا جا سکے۔