کلائمٹ ڈیٹا پروسیسنگ سینٹر کی جانب سے تیار کردہ اس قمری کیلنڈر میں سال بھر کے اسلامی مہینوں کی ممکنہ تاریخیں، چاند کی پیدائش، غروبِ آفتاب اور رویت کے اوقات کو شامل کیا گیا ہے۔

محکمہ موسمیات کی جانب سے جاری کردہ ممکنہ قمری کیلنڈر کے مطابق ماہ شعبان کا چاند 21 جنوری، رمضان کا چاند 18 فروری، شوال کا چاند 19 مارچ جبکہ ذی القعد کا چاند 18 اپریل 2026 کو نظر آنے کی پیشگوئی ہے۔

اسی طرح ذی الحجہ کا چاند 17 مئی، محرم کا چاند 15 جون، صفر کا چاند 15 جولائی اور ربیع الاوّل کا چاند 13 اگست 2026 کو نظر آنے کا امکان ظاہر کیا گیا ہے۔

یہ بھی پڑھیں: لاہور سمیت پنجاب کے مختلف شہروں میں سموگ میں اضافے کا خدشہ

محکمہ موسمیات کی جانب سے اس حوالے سے مزید بتایا گیا ہے کہ ربیع الثانی کا چاند 12 ستمبر، جمادی الاوّل کا چاند 12 اکتوبر، جمادی الثانی کا چاند 10 نومبر جبکہ رجب المرجب کا چاند 10 دسمبر 2026 کو نظر آنے کی توقع ہے۔

موسم کا احوال بتانے والوں کا کہنا ہے کہ یہ قمری کیلنڈر سائنسی اور موسمیاتی اعداد و شمار کو مدنظر رکھتے ہوئے تیار کیا گیا ہے تاکہ عوام اور ادارے پیشگی منصوبہ بندی کر سکیں۔