سرکاری سکیم کے تحت حج واجبات کی دوسری قسط 3 سے 10 نومبر تک وصول کی جائے گی، حج واجبات 14 منتخب بینکوں میں جمع کروائے جا سکیں گے۔ دوسری قسط کی مد میں ساڑھے چھ لاکھ روپے فی کس وصول کئے جائیں گے۔
ڈبل بیڈ فیملی روم منتخب کرنیوالوں کو 2 لاکھ فی کس اضافی لازمی جمع کرانا ہوں گے، ٹرپل بیڈ فیملی روم کا انتخاب کرنے والوں کو اضافی 67 ہزار روپے فی کس ادا کرنا ہوں گے، حج درخواست گزار دوسری قسط جمع کرواتے وقت پیکیج تبدیل کروا سکیں گے۔

یہ بھی پڑھیں: اسموگ پر قابو پانے کے لیے اینٹی اسموگ اسکواڈز متحرک

دوسری قسط کی وصولی کے بعد حج پیکیج تبدیل کرنے کی اجازت نہیں ہوگی، ذرائع کے مطابق دوسری قسط بر وقت جمع نہ کروانے پر حج درخواست منسوخ تصور ہوگی، منسوخ درخواستوں کی جمع شدہ پہلی قسط کی رقم بینک اکاؤنٹ میں واپس بھجوا دی جائے گی۔