کراچی میں ایک تقریب سے خطاب کرتے ہوئے آئی جی نے بتایا کہ بغیر لائسنس موٹر سائیکل چلانے پر اب 20,000 روپے جرمانہ ہوگا جبکہ بغیر لائسنس گاڑی چلانے پر 30,000 روپے جرمانہ عائد کیا جائے گا۔ بھاری گاڑیوں کے لیے جرمانہ 50,000 روپے مقرر کیا گیا ہے۔

انہوں نے مزید کہا کہ شروع میں جرمانہ 1,00,000 روپے تک رکھنے پر غور کیا گیا تھا لیکن سندھ حکومت نے اتنی زیادہ رقم سے روک دیا۔ انہوں نے کہا کہ لائسنس کے قواعد و ضوابط پر عمل درآمد کو یقینی بنانا ٹریفک نظام کو بہتر بنانے کے لیے نہایت اہم ہے۔

یہ بھی پڑھیں: سی ڈی اے میں نئی بھرتیوں کا اعلان، اپلائی کرنے کا طریقہ جانیے

آئی جی نے کہا کہ جب تک ہم ڈرائیونگ لائسنس کے نظام کو بہتر نہیں کریں گے، ٹریفک نظام میں بہتری ممکن نہیں۔

انہوں نے مزید بتایا کہ تقریباً 3 لاکھ افراد نے آن لائن ڈرائیونگ لائسنس حاصل کیا ہے جو کہ ڈیجیٹلائزیشن اور لائسنسنگ خدمات کی رسائی میں پیش رفت کی علامت ہے۔ جرمانوں میں اضافے کا فیصلہ سندھ بھر میں ٹریفک قوانین کے سخت نفاذ اور بغیر لائسنس ڈرائیورز کی بڑھتی تعداد کو کم کرنے کی کوششوں کے تحت کیا گیا ہے۔