حکام کا کہنا ہے کہ یہ بھرتیاں ایک جدید منصوبے کیلئے کی جا رہی ہیں جن کا مقصد ہنر مند اور محنتی افراد کو پیشہ ورانہ ماحول میں کام کا موقع فراہم کرنا ہے۔
سی ڈی اے کی جانب سے جاری کردہ سرکاری اعلامیہ کے مطابق یہ بھرتیاں عارضی بنیادوں پر کی جائیں گی جن کی ابتدائی مدت دو سال ہوگی۔ تاہم منصوبے کی ضروریات اور ملازمین کی کارکردگی کی بنیاد پر اس مدت میں توسیع بھی کی جا سکے گی۔
اعلان کے مطابق ان بھرتیوں میں انتظامی اور تکنیکی عملے دونوں کیلئے مواقع دستیاب ہیں۔ مطلوبہ اسامیوں میں سینئر منیجر، منیجر، اسسٹنٹ منیجر، آٹوکیڈ آپریٹرز، سپروائزرز، آپریٹرز اور ہیپلرز شامل ہیں۔
خیال رہے کہ یہ تمام بھرتیاں ایک نرسری منصوبے کیلئے کی جا رہی ہیں، جو کہ ایک جدید اور تخلیقی ماحول میں ملازمت کا موقع فراہم کرے گا۔ اس منصوبے میں کام کرنے والے افراد کو نہ صرف ذاتی بلکہ پیشہ ورانہ ترقی کے وسیع مواقع بھی میسر آئیں گے۔
امیدواروں کو ہدایت دی گئی ہے کہ وہ اپنی درخواستیں مطلوبہ دستاویزات کے ساتھ سی ڈی اے کی آفیشل ویب سائٹ کے ذریعے جمع کرائیں۔ مزید معلومات اور درخواست فارم بھی اسی ویب سائٹ پر دستیاب ہیں۔
یہ بھی پڑھیں:گوگل نے نوجوانوں کیلئے مفت کیریئر اسکالرشپ پروگرام کا اعلان کردیا
درخواست جمع کرانے کی آخری تاریخ 9 اکتوبر 2025 مقرر کی گئی ہے، تاہم جن امیدواروں نے پہلے 18 مئی 2025 کے اشتہار کے تحت درخواستیں جمع کرائی تھیں، انہیں دوبارہ درخواست دینے کی ضرورت نہیں ہوگی۔
واضح رہے کہ یہ بھرتیاں نوجوانوں کیلئے نہ صرف روزگار کے مواقع فراہم کریں گی بلکہ ان کے کیریئر میں نئی راہیں بھی کھولیں گی، یہی وجہ ہے کہ امیدواروں کو بروقت درخواست جمع کرانے کی ترغیب دی جا رہی ہے۔
