نجی ٹی وی نے ذرائع کی جانب سے دعویٰ کیا ہے کہ توشہ خانہ ٹو کیس کا فیصلہ سنائے جانے کے بعد سابق وزیراعظم عمران خان اور ان کی اہلیہ بشریٰ بی بی کو اڈیالہ جیل سے منتقل کیےجانے کا امکان ہے۔

ذرائع کا بتانا ہے کہ راولپنڈی کی قاسم مارکیٹ کے علاقے میں خصوصی جیل تیار کرلی گئی، جیل کے تمام انتظامات اور ضروری قانونی تقاضے بھی پورے کرلیے گئے ، خصوصی جیل میں 40 افراد پر مشتمل جیل عملہ بھی 31 جولائی سے تعینات کر دیا گیا۔

یہ بھی پڑھیں: توشہ خانہ کیس، بشریٰ بی بی کے وکلاء کی استغاثہ کے گواہان پر جرح مکمل

ذرائع کے مطابق خصوصی جیل کی ذمہ داری ڈی ایس پی پریژن کو سونپی گئی ہے جبکہ اٹک، چکوال اور جہلم کی جیلوں سے قریباً 40 افراد پر مشتمل عملے کا راولپنڈی تبادلہ کردیا گیا۔

ڈی آئی جی جیل راولپنڈی ریجن رانا روف نے عملے کے تبادلے کا نوٹیفکیشن جاری کردیا، خصوصی جیل کے لیے سیکیورٹی اور نگرانی کا طریقہ کار بھی وضع کردیا گیا ہے، 40 افراد پر مشتمل جیل عملہ 24 گھنٹے خصوصی جیل میں تعینات رہے گا۔