وزیراعلیٰ مریم نوازشریف نے میانوالی میں الیکٹرک بس پراجیکٹ کی افتتاحی تقریب سے خطاب میں کہا کہ الیکٹرک بس میں بیٹھ کر جہاں مرضی جائیں کرایہ صرف 20 روپے ہو گا کیونکہ لوگ زیادہ کرایہ دے کر مشکل سے سفر کرتے ہیں، الیکٹرک بس ماحول دوست ہو گی، میانوالی کی مضافات سے کام پر جانیوالے لوگ کل سے الیکٹرک بس میں سفر کریں گے۔

ان کا کہنا تھا کہ خواتین، طلباء اور بزرگ الیکٹر ک بس میں مفت سفر کر سکیں گے، الیکٹرک بس میں خواتین کیلئے الگ کمپارٹمنٹ ہے، جہاں نگرانی کیلئے کیمرے بھی موجود ہیں، میانوالی کے لوگوں نے ایک شخص کو اقتدار کی سب سے بڑی کرسی پر بٹھایالیکن اس نے کچھ نہیں کیا، آج میانوالی میں نوازشریف کی بیٹی عوام کیلئے الیکٹرک بس لائی ہے۔

مریم نواز نے کہا کہ وزیراعلیٰ پنجاب ہونے کے ناطے عوام کے جان و مال کی حفاظت اور سہولت میرا فرض ہے، پنجاب کیلئے 1500 الیکٹر ک بسیں آرہی ہیں، 200 الیکٹر ک بسیں پہنچ چکی ہیں، الیکٹرک بس کا آغاز سب سے پہلے میانوالی سے کیاہے، ووٹ دیں یا نہ دیں ہم خدمت کرتے رہیں گے۔

ان کا کہنا تھا کہ لوگ حیران ہیں میانوالی سے الیکٹرک بس کا آغاز کیوں کیا؟یورپ میں شاندار بسیں دیکھ کر میرا بھی دل چاہتا ہے ہمارے پاس ایسی ٹرانسپورٹ ہو، دو سال کے اندر ایسے پراجیکٹ لائیں گے جن کی مثال نہیں ملتی، آج میانوالی کے چپے چپے میں ستھرا پنجاب کے ورکرزکام کر رہے ہیں، میر ے لئے میانوالی، لیہ، بھکراورخوشاب سمیت ہر شہر اورشہری برابر ہے۔

https://t.co/dZibAEmuO8 pic.twitter.com/J98tU6iRZF

— Maryam Nawaz Sharif (@MaryamNSharif) September 15, 2025

انہوں نے کہا کہ لوگوں کا دکھ بانٹنے علی پور اوردیگر شہروں میں جارہی ہوں، جب تک سیلاب متاثرین گھروں میں واپس نہیں جاتے چین سے نہیں بیٹھیں گے، سیلاب میں ہونے والے ہر فرد کے نقصان کوپورا کریں گے، سیلاب زدہ علاقوں کاپانی اترنے پرفوری طورپر نقصان کا تخمینہ لگایا جائے گا۔

وزیراعلیٰ پنجاب کا کہنا تھا کہ سیلا ب میں جاں بحق ہونے والے ہر فرد کے ورثاء کو 10 لاکھ روپے دیے جائیں گے، مکمل مکان گرنے پر 10 لاکھ روپے اورکمرہ گرنے پر 5 لاکھ روپے دیے جائیں گے، سیلاب میں گائے،بھینس کے نقصان پر 5 لاکھ اوربھیڑ، بکری پر 50 ہزار روپے ملیں گے۔

یہ بھی پڑھیں: اپنی چھت، اپنا گھر پروگرام میں بڑی پیش رفت

مریم نواز نے کہا کہ اپنی جان خطرے میں ڈال کر دوسروں کی جان بچانے والوں کو شاباش دیتی ہوں، بزرگوں اوربچوں کو کندھے پر بٹھا کر ریسکیو کیا گیا، ریسکیو ورز پالتو جانوروں کو کندھوں پر اٹھا کر لائے،یہ ہے ہمار اپنجاب، ہمیں اس پر فخرہے، سیلاب کے دوران 20 لاکھ جانوروں کی جانیں بچائی ہیں۔

ان کا کہنا تھا کہ سیلاب میں 15 لاکھ لوگوں کو ریسکیو کیا گیا، 450 فلڈر یلیف کیمپ بنائے گئے، 15 لاکھ لوگوں کو بروقت ریسکیو کر کے محفوظ مقامات پر منتقل کرنا قابل تحسین ہے، جتنا پانی اس وقت آیا پنجاب میں اس سے پہلے کبھی نہیں آیا، سیلاب زدہ علاقوں میں انسانوں کے ساتھ ساتھ مویشیوں کا بھی علاج اورویکسی نیشن کی جارہی ہے۔

وزیراعلیٰ پنجاب نے کہا کہ اتنا پانی آنے کے باوجود اللہ کے فضل سے پورے پنجاب میں کوئی وبا ء نہیں پھیلی، سیلاب متاثرین کو مہمانوں کی طرح ٹریٹ کررہے ہیں، فلڈ ریلیف کیمپوں میں سکرینیں لگا کر کرکٹ میچ دکھایاگیا، فلڈ ریلیف کیمپوں میں بچوں کو دودھ اورپھل مل رہے ہیں اورکلاس روم میں کھیل کا سامان بھی میسر ہے۔

CM Maryam Nawaz herself took a ride in the electric bus.

#الیکٹرک_بس_میانوالی_میں pic.twitter.com/j2aEYeZzhG

— PMLN (@pmln_org) September 15, 2025

مریم نواز کا کہنا تھا کہ جب میانوالی کے لوگ جدید ترین اے سی والی الیکٹر ک بس میں بیٹھیں گے تو مجھ سے زیاد ہ خوش کوئی نہیں ہوگا، ماضی میں ایک وزیراعظم عینک لگاکر متاثرہ علاقوں کے دورے کیا کرتا تھا، گجرات میں ان کو 15 دن بعد ہوش آیا،ہمارے ریسکیو کیمپ میں جاکر تصوریں بنا کر لو ٹ آئے۔

وزیراعلیٰ نے کہا کہ گجرات کے لوگ بھی سی ایم لگے رہے لیکن وہاں پنجاب کا بدترین سیوریج سسٹم ہے، یہ لوگ جوڑ توڑ اورکاروبار بڑھانے میں لگے رہے،گجرات کے سیوریج کیلئے کوئی کام نہیں کیا، گجرات میں 26 ارب روپے کی لاگت سے نیا سیوریج سسٹم لارہے ہیں۔

ان کا کہنا تھا کہ مجھ پر تنقید کرنے والے سن لیں،میں آپ لوگوں کی بے بسی سمجھتی ہوں، مخالفین کو گالیاں دینا تو آتی ہیں مگرکام کرنا نہیں آتا، کام کرنے کیلئے 8،8 گھنٹے محنت کرنا پڑتی ہے، راوی میں طغیانی کا جائزہ لینے کیلئے کشتی میں بیٹھی تو اعتراض شرو ع ہوگئے، مخالفین پریشان ہیں کہ یہ اتنا کام کیوں کررہی ہے۔