تفصیلات کے مطابق فیڈرل پبلک سروس کمیشن نے اس حوالے سے پبلک نوٹس جاری کر دیا جس میں کہا گیا کہ نیا نظام 21 ستمبر 2025 سے نافذ ہوگا، تحریری امتحانات ختم کر کے ایم سی کیوز پر مبنی امتحان متعارف کروا دیا گیا ہے، گریڈ 16 سے 21 تک عہدوں پر جنرل ریکروٹمنٹ نئے رولز کے تحت ہوگی۔

یہ بھی پڑھیں: لاہور، اسلام آباد موٹروے (ایم۔2) پر ٹول ٹیکس میں اضافہ

پبلک نوٹس میں کہا گیا کہ گریڈ 16 اور 17 کے امیدواروں کیلئے 100 نمبرز کا ایک ایم سی کیو پیپر ہوگا، گریڈ 18 سے اوپر کیلئے 2 ایم سی کیوز پیپرز ہوں گے، کامیابی کیلئے امیدواروں کا کم از کم 40 سے 50 فیصد نمبر لینا لازمی ہو گا، ہر غلط جواب پر امیدوار کی 0.25 نمبر کی کٹوتی ہوگی۔ ایف پی ایس سی نے کہا کہ نیا نظام مسابقتی امتحان سی ایس ایس پر لاگو نہیں ہوگا۔