لاہور پولیس نے گرفتاری کی تصدیق کرتے ہوئے کہا علیمہ خان کے بیٹے کو 9 مئی کے مقدمات میں گرفتار کیا ہے، ملزم شاہریز 9 مئی کے مقدمات میں پولیس کو مطلوب تھا، ملزم کو آج عدالت میں پیش کیا جائے گا۔ ڈی آئی جی انویسٹی گیشن نے کہا ریاست مخالف سرگرمیوں میں ملوث افراد کسی رعایت کے مستحق نہیں ہیں۔

یہ بھی پڑھیں: عمران خان کی رہائی کب ہوگی؟

قبل ازیں علیمہ خان نے بتایا تھا کہ 4 مسلح نقاب پوش نامعلوم افراد ان کے بیٹے شاہ ریز کو گھر سے اغوا کر کے لے گئے ہیں، سادہ کپڑوں میں ملبوس 4 مسلح افراد کچن کے راستے گھر میں داخل ہوئے، ان کا بیٹا اپنی بیوی اور والد کے ساتھ گھر کی بالائی منزل پر تھا، مسلح افراد نے گھر میں ڈائیورز کو بھی ہراساں کیا۔
ترجمان پاکستان تحریک انصاف (پی ٹی آئی) کا کہنا تھا کہ مسلح افراد دروازے توڑ کر شاہ ریز کو بیڈ روم سے لے گئے، شاہ ریز خان کے 2 بچوں کے سامنے کمرے میں گھس کر تشدد کیا گیا۔ ترجمان پی ٹی آئی نے الزام لگایا ہے کہ گزشتہ روز شاہ ریز خان کو اہلیہ کے ہمراہ لاہور ایئرپورٹ سے غیر قانونی آف لوڈ کیا گیا تھا، شاہ ریز خان کا کسی سیاسی سرگرمی سے کوئی تعلق نہیں، چیف جسٹس سے فوری نوٹس لینے اور شاہ ریز خان کو بازیاب کرانے کا مطالبہ کرتے ہیں۔