محکمہ موسمیات اور رویتِ ہلال کمیٹی کے ذرائع کے مطابق ربیع الاول کا چاند 24 اگست کو نظر آنے کا امکان ہے۔ اگر یہ پیش گوئی درست ثابت ہوئی تو 12 ربیع الاول بروز جمعہ 5 ستمبر کو ملک بھر میں مذہبی عقیدت اور احترام کے ساتھ منایا جائے گا، اور اس روز عام تعطیل کا اعلان کیا جائے گا۔

اس کے فوراً بعد 6 ستمبر کو یومِ دفاع پاکستان کے موقع پر بھی سرکاری چھٹی دی جائے گی، جب پوری قوم اپنے شہداء اور غازیوں کو خراجِ عقیدت پیش کرے گی۔ اس کے بعد ہفتہ 7 ستمبر اور اتوار 8 ستمبر کو ویک اینڈ کی وجہ سے معمول کی تعطیلات ہوں گی، یوں مجموعی طور پر عوام کو چار دن کا طویل وقفہ مل جائے گا۔

یہ بھی پڑھیں:حج درخواستوں کی وصولی میں ایک دن کی مزید توسیع

ماہرینِ سماجیات کے مطابق یہ مسلسل چھٹیاں شہریوں کیلئے ذہنی سکون اور خاندانی میل جول کا اچھا موقع ثابت ہوں گی۔ ایسے مواقع معاشرتی سطح پر مثبت اثرات مرتب کرتے ہیں اور عوام کو اپنی روزمرہ مصروفیات سے ہٹ کر سکون کا وقت فراہم کرتے ہیں۔

واضح رہے کہ رواں سال پاکستانی عوام کو مختلف مواقع پر طویل تعطیلات نصیب ہوئیں جنہیں شہریوں نے بھرپور انداز میں منایا۔ ستمبر کی یہ متوقع چھٹیاں بھی عوام کیلئے خوشگوار لمحات کا سبب بنیں گی۔