سیالکوٹ کی ڈپٹی کمشنر صبا اصغر علی کے مطابق یہ پروگرام وزیراعلیٰ مریم نواز کے وژن کا حصہ ہے۔ اس کا مقصد خواتین اساتذہ کو محفوظ اور آسان سفری سہولت فراہم کرنا ہے۔

مفت ای بائیکس کی درخواستیں رواں ماہ کے آغاز میں طلب کی گئی تھیں اور اب تک 650 سے زائد اساتذہ نے درخواست دی ہے۔ درخواست جمع کروانے کی آخری تاریخ 10 اگست مقرر کی گئی تھی۔

اہلیت کے معیار میں عمر کی بالائی حد 35 سال رکھی گئی ہے۔ مستقل اور کنٹریکٹ دونوں قسم کی اساتذہ درخواست دینے کی اہل تھیں جبکہ بیوہ، طلاق یافتہ خواتین اور وہ خواتین جو اپنے گھروں کی واحد کفیل ہیں، اُنہیں ترجیح دی گئی ہے۔

یہ بھی پڑھیں: پنجاب میں ای ٹیکسی کے خواہشمندوں کیلئے اچھی خبر

واضح رہے کہ ای بائیکس شفافیت کو یقینی بنانے کے لیے کمپیوٹرائزڈ قرعہ اندازی کے ذریعے بائیکس دی جائیں گی۔

قبل ازیں، یومِ آزادی کی تقریبات کے سلسلے میں ضلعی انتظامیہ نے مخیر حضرات کے تعاون سے 14 خواتین اساتذہ کو ای بائیکس فراہم کیں۔ حکام کا ماننا ہے کہ یہ منصوبہ نہ صرف خواتین کی آمدورفت کے مسائل کو کم کرے گا بلکہ صاف توانائی سے چلنے والی گاڑیوں کے فروغ سے ماحولیاتی آلودگی میں بھی کمی لائے گا۔