سیکرٹری محنت رفیق قریشی نے اپنے ایک بیان میں کہا کہ پاکستان کے جھنڈے کا سفید رنگ اقلیتوں کے مساوی حقوق کی علامت ہے، ہروہ اقدام کریں گےجس سےمحنت کشوں کابھلاہو، ادارے کی مضبوطی کےلیےشریعہ کمپلائنٹ سکوک بانڈز میں3ارب کی سرمایہ کاری کررہے ہیں۔

رفیق قریشی کا کہنا تھا کہ حادثاتی ہیلتھ انشورنس سے سالانہ 7 لاکھ ہیلتھ انشورنس دی جائے گی جس سے ملک کے 270 ہسپتالوں میں علاج ہوگا،اب فلیٹس کے بجائے ورکرز کے لیے مکمل سولرائزڈ گھر تعمیر کریں گے۔

انہوں نے کہا کہ ورکرز ویلفیئر بورڈکے ماتحت اسکولوں کوبھی سولرائزکر رہے ہیں،سال میں دو بار بچوں کو اسکول یونیفارم دیں گے،ورکرز ویلفیئر بورڈ کے تمام شعبوں کو ڈیجیٹلائز کر رہے ہیں، ڈیجیٹلائزیشن سے محنت کشوں کو منصفانہ طور پر سہولیات فراہم ہوں گی۔

یہ بھی پڑھیں: شہریوں کو اجرک والی نمبرپلیٹ مفت دی جائے، گورنر سندھ

سیکرٹری محنت کا مزید کنا تھا کہ وزیر اعلیٰ سندھ سید مراد علی شاہ کی خصوصی ہدایت پر ڈیتھ گرانٹ10 لاکھ اور شادی گرانٹ 3 سے 5 لاکھ روپےکررہے ہیں۔

یاد رہے کہ گزشتہ دنوں ورکر ویلفیئر بورڈ سندھ کے ایک خصوصی اجلاس میں خواتین کو الیکٹرک بائیکس، محنت کشوں کے لیے 7 لاکھ کی حادثاتی ہیلتھ انشورنس، 270 اسپتالوں میں مفت علاج کی سہولت دینے کا فیصلہ ہوا تھا۔

اجلاس میں لیبر کالونیوں اور تعلیمی اداروں کی بحالی، اور صنعتی کارکنوں میں سلائی مشینوں کی تقسیم سے متعلق اسکیم بھی منظور کی گئی تھی۔