تفصیلات کے مطابق  یہ مہم نئے اور تجربہ کار امیدواروں دونوں کے لیے کھلی ہے۔ اس میں پرکشش تنخواہیں، الاؤنسز، اور اہل خانہ کے لیے سفری سہولیات فراہم کی جا رہی ہیں۔ دستیاب آسامیوں میں ٹرینی کیبن کرو، کیبن کرو، لیڈ کیبن کرو اور  ڈیزگنیٹڈ چیک کیبن کرو شامل ہیں۔

امیدواروں کو کراچی، لاہور، اسلام آباد اور پشاور میں تعینات کیا جائے گا جبکہ تربیت ایئر لائن کے ہیڈ آفس کراچی میں ہوگی۔

اہلیت کے لیے کم از کم انٹرمیڈیٹ، اے لیول یا مساوی تعلیمی قابلیت، کم از کم قد 5 فٹ 9 انچ، پاکستان سول ایوی ایشن اتھارٹی (PCAA) کے مطابق میڈیکل فٹنس اور وزن بی ایم آئی (BMI) کے مطابق متناسب ہونا چاہیے۔

مزید برآں ٹرینی کیبن کروکی عمر 20 سے 24 سال (غیر شادی شدہ ہونا لازمی)، کیبن کرو کی عمر زیادہ سے زیادہ 26 سال، لیڈ کیبن کروکی عمر زیادہ سے زیادہ 28 سال اور ڈیزگنیٹڈ چیک کیبن کرو کی عمر زیادہ سے زیادہ 32 سال ہونے چاہیے۔

یہ بھی پڑھیں: ندا صالح پاکستان کی پہلی خاتون ٹرین ڈرائیور بن گئیں

واضح رہے کہ ایئر کراچی کو ایسے امیدوار درکار ہیں جن کی زبان دانی عمدہ ہو، خوش اخلاق، خوش مزاج، خوش لباس اور بہترین تعلقات بنانے کی صلاحیت رکھتے ہوں۔ ہوا بازی کے شعبے سے لگاؤ، خوش اخلاقی اور دوسروں کا خیال رکھنے کا جذبہ ہونا بھی ضروری ہے۔

صرف شارٹ لسٹ کیے گئے امیدواروں سے رابطہ کیا جائے گا۔ درخواست جمع کروانے کی آخری تاریخ 15 اگست 2025 ہے۔ درخواستیں اس ای میل پر بھیجی جا سکتی ہیں  careers@air-karachi.com یا آفیشل نوکری کے اعلان میں دیے گئے QR کوڈ کے ذریعے بھی اپلائی کیا جا سکتا ہے۔