راولپنڈی کی انسداد دہشت گردی کی خصوصی عدالت کے جج امجد علی شاہ نے 24 اور 26 نومبر کے احتجاج کے باعث درج 31 مقدمات کی سماعت کی،سابق خاتونِ اول بشریٰ بی بی کی طرف سے محمد فیصل ملک پر مشتمل وکلا کا پینل پیش ہوا، جبکہ پراسیکیوٹر ظہیر شاہ نے کیس کی پیروی کی۔

یہ بھی پڑھیں:آزادی مارچ کیس: پی ٹی آئی کے سینئر رہنما اسد قیصر بری

وکیل محمد فیصل ملک نے دلائل پیشچ کرتے ہوئے کہا کہ بشریٰ بی بی کو ان کے شوہر بانی پاکستان تحریک انصاف (پی ٹی آئی) عمران خان کی موجودگی میں ان مقدمات میں شامل تفتیش نہیں کیا گیا، عدالتی احکامات کے باوجود اڈیالہ جیل میں تفتیشی افسر کی جانب سے تاحال بشریٰ بی بی کو ان مقدمات میں شامل تفتیش نہیں کیا گیا۔

عدالت نے وکلا کے دلائل سننے کے بعد بشریٰ بی بی کی 31 مقدمات میں عبوری ضمانت میں 12 اگست تک توسیع کر دی۔