تفصیلات کے مطابق ترک خبر ایجنسی سے بات چیت کے دوران لیفٹیننٹ جنرل احمد شریف چوہدری کا کہنا تھا کہ بھارت پہلگام واقعے میں پاکستان کو مورد الزام ٹھہراکر ثبوت دینے میں بالکل ناکام رہا، نئی دہلی ان واقعات کو دہشتگردی کے بہانے کے طور پر استعمال کررہی ہے،لیکن پاکستان بھارتی تسلط کے سامنے کبھی بھی نہیں جُھکے گا۔

ترجمان پاک فوج نے واضح کیا کہ پاکستان دنیا میں سب سے زیادہ دہشتگردی کا شکار ہونے والا ملک ہے، جنوری 2024 سے اب تک 3 ہزار 700 سے زائد دہشتگردی کے واقعات رپورٹ ہوچکے ہیں، 2500 سے زائد افراد اعضا کھوچکے،لاکھوں لوگ لقمہ اجل بن گئے۔ اس دہشتگردی کی سرپرستی اور حوصلہ افزائی بھارت کررہا ہے۔

ڈی جی آئی ایس پی آر نے کہا کہ کشمیر ایک بین الاقوامی تسلیم شدہ تنازع علاقہ ہے، بھارت مسئلہ کشمیرکو حل کرنے کی کوشش نہیں کررہا، بھارت جبرسےاسےاندرونی مسئلہ  بنانے کی کوشش میں لگا ہوا ہے۔

یہ بھی پڑھیں:بھارت کی 22 چوکیاں ہمارے قبضے میں ہیں،حنیف عباسی

انہوں نے مزید کہا کہ ہم امن پسند قوم ہیں،بھارت نے اگر ہمیں اُکسایا یا حملہ کیا تو ہماراردعمل تیز اور بے رحمانہ ہوگا، حقیقت یہ ہے کہ بھارت امریکہ نہیں اور پاکستان افغانستان نہیں ہے، بھارت اسرائیل نہیں ہے اور پاکستان فلسطین نہیں ہے، بھارت جتنی جلدی یہ سمجھ جائے علاقائی اورعالمی امن کیلئے اتنا ہی اچھا ہوگا۔

لیفٹیننٹ جنرل احمد شریف نے کہا کہ جعفرایکسپریس پر حملہ کرنیوالی کالعدم بی ایل اے نے کھلے عام بھارت سے فوجی مدد مانگی، نئی دہلی میں رہنماؤں، سیاست دانوں اور ریٹائرڈ جنرلز نے بی ایل اے کی حمایت میں بیانات بھی جاری کیے۔

ترجمان پاک فوج نے تصدیق کی کہ حالیہ کشیدگی میں بھارت کے جنگی طیارے مار گرائے جن میں سے 3رافیل تھے، دنیا جانتی ہے کہ پاکستان نے بھارتی طیارے گرائے، لیکن نئی دہلی ماننے  کوتیار نہیں۔