چودھری پرویزالٰہی نے شاہ محمود قریشی کی خیریت دریافت کی، ان کی جلد صحتیابی کیلئے نیک تمناؤں کا اظہار کیا اور ان کے حوصلے کی تعریف کی۔ ملاقات کے دوران شاہ محمود قریشی کی صاحبزادی مہر بانو قریشی بھی موجود تھیں، جنہوں نے پارٹی قیادت کا شکریہ ادا کیا۔
علاوہ ازیں اس موقع پر پاکستان تحریک انصاف (پی ٹی آئی) کے دیگر سینئر رہنما بھی ان کے ہمراہ موجود تھے جن میں سیکرٹری جنرل سلمان اکرم راجہ اور پنجاب اسمبلی کے ڈپٹی اپوزیشن لیڈر معین قریشی شامل ہیں۔ رہنماؤں نے شاہ محمود قریشی کی سیاسی جدوجہد اور حالیہ مشکلات پر بھی تبادلہ خیال کیا۔
یہ بھی پڑھیں:علیمہ خان کو بیرون ملک جانے کی اجازت نہ مل سکی
پی آئی سی کے ذرائع کے مطابق شاہ محمود قریشی کی حالت اب بہتر ہے اور انہیں مکمل طبی سہولیات فراہم کی جا رہی ہیں۔
پارٹی ذرائع کا کہنا ہے کہ شاہ محمود قریشی جلد مکمل صحتیاب ہو جائیں گے، اور وہ وقت دور نہیں جب وہ سیاسی سرگرمیوں میں بھرپور حصہ لیں گے۔
خیال رہے کہ چودھری پرویزالٰہی کی اس موقع پر موجودگی نہ صرف ایک سیاسی رہنما کے طور پر ان کی وابستگی کا مظہر ہے بلکہ پارٹی میں اتحاد اور ہمدردی کے جذبے کو بھی اجاگر کرتی ہے۔
