بھارت کے خلاف آپریشن بینان مرصوص کی کامیابی پر ردعمل دیتے ہوئے ہوئے لیگی صدر میاں نواز شریف کا کہنا تھا کہ اللہ ربّ العزت کا شکر ہے کہ اس نے پاکستان کو سر بلند کیا۔
انہوں نے کہا کہ میں، وزیر اعظم پاکستان محمد شہباز شریف، پاک فوج کے سپہ سالار جنرل سید عاصم منیر، چیف آف ایئر سٹاف ایئر چیف مارشل ظہیر احمد بابر اور افواجِ پاکستان کو شاباش اور مبارکباد دیتا ہوں۔
میاں نواز شریف کا مزید کہنا تھا کہ پاکستان امن پسند ملک ہے اور امن کو ترجیح دیتا ہے مگر اپنا دفاع کرنا بھی جانتا ہے۔
اللّہ ربّ العزت کا شکر ہے کہ اس نے پاکستان کو سر بلند کیا۔ میں، وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور مبارکباد دیتا ہوں۔ پاکستان امن پسند ملک ہے اور امن کو ترجیح دیتا ہے مگر…
— Nawaz Sharif (@NawazSharifMNS) May 10, 2025
واضح رہے کہ بھارتی جارحیت کے خلاف آج پاکستان نے آپریشن بنیان مرصوص کا آغاز کیا اور اس آپریشن کے تحت بھارتی فوجی تنصیبات کو کامیابی کے ساتھ نشانہ بنایا گیا جن میں سب سے اہم بیاس کے علاقے میں واقع براہموس میزائل کی سٹوریج سائٹ، ایئر بیس ادھم پور اور پٹھان کوٹ کا ایئر فیلڈ شامل ہیں۔
دوسری جانب ترجمان بھارتی فوج صوفیا قریشی نے اودھم پور، پٹھان کوٹ، بٹھنڈا اور آدم پور پر پاکستانی حملے سے ہونے والے نقصان کی تصدیق کر تے ہوئے کہا کہ پاکستان نے سری نگر، آونتی پور میں بھارتی فوجی ٹھکانوں پر حملہ کیا، ہم کشیدگی اور تناؤ بڑھانا نہیں چاہتے، بشرطیکہ پاکستان بھی ایسا کرے۔
