سکیورٹی ذرائع کے مطابق پاکستانی فتح 1میزائل سسٹم کے ذریعے متعددبھارتی اہداف کو نشانہ بنا کر تباہ کر دیا گیا، پاکستانی فتح 1 میزائل سسٹم سے بھارتی اہداف کو نشانہ بنانے کی ایک اور ویڈیو ایک اور لانچ سائٹ سے منظر عام پر آگئی۔
ذرائع کا بتانا ہے کہ حملے سے دشمن کے متعدد ٹھکانے تباہ اور بھاری نقصان کی اطلاعات ہیں۔
دوسری جانب لائن آف کنٹرول (ایل او سی ) پر پاکستان کا بھارتی فوج کومنہ توڑجواب جاری ہے۔
سکیورٹی ذرائع نے بتایا ہے کہ پاک فوج نے دشمن کی مزید متعدد پوسٹوں کو تباہ کر دیا ، دشمن کی پانڈو سیکٹر میں چھاؤ گلی پوسٹ ، لیپہ سیکٹر میں لعل جان پوسٹ، سلام آباد پوسٹ اور سوکاجبرا پوسٹ تباہ کردی گئی۔
واضح رہے کہ بھارتی جارحیت کے خلاف آج پاکستان نے آپریشن بنیان مرصوص کا آغاز کیا اور اس آپریشن کے تحت بھارتی فوجی تنصیبات کو کامیابی کے ساتھ نشانہ بنایا گیا جن میں سب سے اہم بیاس کے علاقے میں واقع براہموس میزائل کی سٹوریج سائٹ، ایئر بیس ادھم پور اور پٹھان کوٹ کا ایئر فیلڈ شامل ہیں۔
دوسری جانب ترجمان بھارتی فوج صوفیا قریشی نے اودھم پور، پٹھان کوٹ، بٹھنڈا اور آدم پور پر پاکستانی حملے سے ہونے والے نقصان کی تصدیق کر تے ہوئے کہا کہ پاکستان نے سری نگر، آونتی پور میں بھارتی فوجی ٹھکانوں پر حملہ کیا، ہم کشیدگی اور تناؤ بڑھانا نہیں چاہتے، بشرطیکہ پاکستان بھی ایسا کرے۔
