واضح رہے کہ وزیر اعلی خیبرپختونخوا سردار علی امین گنڈا پور کی جانب سے اسلام آباد ہائیکورٹ میں درخواست دائر کی گئی ہے۔
اس موقع پر ہائیکورٹ کے باہر وزیراعلیٰ کے پی سردارعلی امین گنڈا پورنے میڈیا سےبات چیت کرتے ہوئے کہاکہ عمران خان امت مسلمہ کےلیڈرہیں،رہائی کی درخواست دائر کی،مودی کےمظالم پر بانی پاکستان تحریک انصاف (پی ٹی آئی) نے ہمیشہ آواز اٹھائی ہے۔
علی امین گنڈاپور کا مزید کہنا تھا کہ بانی پاکستان تحریک انصاف (پی ٹی آئی) عمران خان کی زندگی کو اڈیالہ جیل میں شدید خطرہ لاحق ہے،نریندر مودی کو بھی پتہ ہےکہ عمران خان اڈیالہ جیل میں قید ہیں،مودی جیسے مکار شخص سےکچھ بھی توقع کی جاسکتی ہے۔
درخواست میں مزید دلیل دی گئی ہے کہ جرم ثابت ہونے تک گرفتار شدگان کو مناسب طبی نگہداشت فراہم کرنا ریاستی ذمہ داری ہے، اور پیرول پر رہائی سے بانی پی ٹی آئی کو فوری طبی امداد میسر آئے گی۔
یہ بھی پڑھیں:اڈیالہ جیل کے باہر پی ٹی آئی کارکنان کا ہنگامہ ، متعدد گرفتار
دوسری جانب ماہرینِ قانون کا کہنا ہے کہ عدالت انسانی ہمدردی اور آئین کے دائرہ کار میں رہتے ہوئے پیرول کی درخواست پر جلد سماعت کر سکتی ہے۔ سیاسی حلقوں میں اس اقدام کو عمران خان کے حق میں پہلا مؤثر اور طاقتور قدم قرار دیا جا رہا ہے۔
اب دیکھنا یہ ہے کہ اسلام آباد ہائیکورٹ کب اس درخواست پر فیصلہ سناتی ہے، اور آیا بانی پی ٹی آئی کو عارضی طور پر رہائی مل پاتی ہے یا نہیں۔ سیاسی مبصرین کا خیال ہے کہ عدالت کا یہ فیصلہ آئندہ سیاسی کشمکش میں اہم کردار ادا کرے گا۔
