سپریم کورٹ کے ترجمان کے مطابق لاء کلرکس کی تقرری ایک سالہ مدت کیلئے کی جائے گی اور یہ پروگرام جون 2025 سے باقاعدہ شروع ہوگا۔ اس اہم انٹرن شپ پروگرام کے ذریعے نوجوان قانونی ماہرین کو سپریم کورٹ میں کام کرنے کا عملی تجربہ حاصل ہوگا، جو ان کے کیریئر میں سنگ میل ثابت ہو سکتا ہے۔

ترجمان نے بتایا کہ درخواست فارم، اہلیت کے معیار اور دیگر شرائط سپریم کورٹ کی آفیشل ویب سائٹ پر دستیاب ہیں۔ امیدواروں کو ہدایت کی گئی ہے کہ وہ مقررہ تاریخ سے پہلے درخواستیں جمع کروائیں اور تمام مطلوبہ دستاویزات فراہم کریں۔

بشریٰ بی بی کی 29 مقدمات میں عبوری ضمانت میں توسیع

ماہرین قانون کے مطابق یہ اقدام نہ صرف نوجوان وکلاء کو اعلیٰ عدالتی نظام کے قریب لانے میں مدد دے گا بلکہ عدالتی امور کی رفتار کو بہتر بنانے میں بھی اہم کردار ادا کرے گا۔

واضح رہے کہ سپریم کورٹ کی یہ پیشکش ان نوجوانوں کیلئے ایک نادر موقع ہے جو ملک کے اعلیٰ عدالتی نظام میں سیکھنے اور کام کرنے کا جذبہ رکھتے ہیں۔