ضلعی انتظامیہ کے مطابق بٹگرام میں شدید بارش کے باعث تھاکوٹ اور درہ نارنج کے مقامات پر لینڈ سلائیڈنگ کے سبب شاہراہ قراقرم بند ہو گئی تھی ، اطلاع ملتے ہی بٹگرام پولیس نے ضلعی انتظامیہ کے ہمراہ فوری کارروائی کی۔

اتنظامیہ کی جانب سے بتایا گیا ہے کہ دو طرفہ ٹریفک جزوی طور پر بحال کر دی گئی ہے جبکہ سڑک سے ملبہ ہٹانے کا کام تیزی سے جاری ہے ، بٹگرام پولیس عوام کی سہولت اور حفاظت کے لیے ہمہ وقت متحرک ہے۔

قبل ازیں بٹگرام میں طوفانی بارش نے تباہی مچا دی، گاڑیاں اور موٹرسائیکلیں سیلابی ریلے کی نذر ہوگئیں، تھاکوٹ بازار میں متعدد دکانوں کو نقصان پہنچا جبکہ مرکزی شاہراہ ٹریفک کیلئے بند ہوگئی۔