تفصیلات کے مطابق لاہور ہائیکورٹ میں رمضان کے مہینے میں مرغی کی قیمتوں میں اضافے کیخلاف درخواست کی سماعت ہوئی۔
درخواست گزار نے عدالت میں استدعا کی تھی کہ رمضان کے مہینے میں مرغی کی قیمتوں میں غیر معمولی اضافہ عوام کیلئے مشکلات کا باعث بن رہا ہے، جس پر عدالت نے فوری طور پر نوٹس جاری کردیا۔
عدالت عالیہ نے درخواست پر فریقین کو نوٹس جاری کرتے ہوئے جواب طلب کیا ہے۔
عدالت کا کہنا تھا کہ رمضان کے مقدس مہینے میں عوام کی مشکلات کو دیکھتے ہوئے اس معاملے پر جلد از جلد جواب دیا جائے تاکہ شہریوں کو ریلیف مل سکے۔
واضح رہے کہ مرغی کی قیمتوں میں اضافے کی وجہ سے لاہور سمیت مختلف شہروں میں شہریوں نے احتجاج کرتے ہوئے حکومت سے مطالبہ کیا ہے کہ فوری طور پر قیمتوں کو قابو میں لایا جائے۔
اب عدالت کی جانب سے اس معاملے کی تحقیقات کے بعد فیصلہ متوقع ہے، جو عوام کیلئے خوشخبری ثابت ہو سکتا ہے۔
