گجرات پولیس کے مطابق امام مسجد علی احمد کی دو سال قبل شادی ہوئی تھی اور اکلوتی بیٹی کا باپ تھا۔ ملزم نے بیوی سے سگی بیٹی چھین کر اسکی آنکھوں کے سامنے ہیڈ کھو کھرنہر میں پھینک دی۔ تھانہ ڈنگہ پولیس کا کہنا ہے کہ گرفتار ملزم بہانے سے بیوی مریم عائشہ اور 3 ماہ کی بیٹی زینب کو نہر کنارے لے گیا۔

ابتدائی تفتیش کے مطابق ملزم نے بیٹا پیدا نہ ہونے کی رنجش پر بچی کو نہر میں پھینکا۔ ملزم علی احمد موجیانوالہ مسجد کا امام ہے جسے تھانہ ڈنگہ میں مقدمہ درج کر کے گرفتار کر لیا گیا۔

ادھر چکوال تلہ گنگ کے علاقے بلال آباد میں باپ نے 8 ماہ کی بچی قتل کر دی۔ ایف آئی آر کے مطابق بارش آنے پر صحن سے کمرے میں جاتے بچی نے رونا شروع کر دیا توملزم نے غصے میں آ کر بچی کا گلا دبا دیا جس سے وہ جاں بحق ہو گئی۔ ملزم فرار ہو گیا جسکی تلاش شروع کر دی گئی ۔