'کرم ایجنسی میں امن کے قیام میں رکاوٹ بننے والوں سے نمٹا جائیگا'
وزیراعلیٰ خیبرپختونخوا علی امین گنڈا پور میڈیا سے گفتگو کرتے ہوئے/ فائل فوٹو
February, 3 2025
پشاور: (سنو نیوز) وزیراعلیٰ علی امین گنڈا پور نے کہا ہے کہ کرم ایجنسی میں امن کے قیام میں رکاوٹ بننے والوں سے نمٹا جائے گا، چند مقامات پر شر پسندوں کے سروں کی قیمت مقرر کی گئی ہے۔
وزیراعلیٰ خیبرپختونخوا علی امین گنڈاپور نے سنو نیوز سے غیر رسمی گفتگو کرتے ہوئے کہا کہ ہم مسئلے کو جڑ سے ختم کرنا چاہتے ہیں، کرم میں قیام امن کے لیے ہم نے سنجیدہ اقدامات کیے ہیں، قیام امن کی راہ میں روڑے اٹکانے والے شرپسندوں سے حکومت آہنی ہاتھوں سے نمٹے گی۔
انہوں نے کہا کہ کرم میں قیام امن کے لیے بنکرز ایک بڑا مسئلہ تھے جنہیں گرایا جا رہا ہے، جرگے کے ذریعے مسائل کا حل نکالا ہے، چیلنجز بہت ہیں، ہر چیلنج کے مقابلے کے لیے تیار ہیں، کرم میں جرگے کے ذریعے بڑے مسائل پر قابو پالیا گیا ہے، کرم کا 100 سال سے زیادہ پرانا مسئلہ چل رہا ہے ہے جو اٹھتا رہا، راشن کی 4 بڑی کھیپ کرم پہنچائی جاچکی ہیں۔
