تفصیلات کے مطابق میڈیا سے بات چیت کرتے ہوئے صوبائی صدر پاکستان تحریک انصاف (پی ٹی آئی) جنید اکبر کا کہنا تھا کہ ہمیں امید بالکل بھی امید نہیں تھی کہ ہم پر اسلام آباد میں گولیاں چلائی جائیں گی، کوئی اس غلط فہمی میں ہرگز نہ رہے کہ ہم ڈر جائیں گے، اس بار ہم پوری تیاری کے ساتھ اسلام آباد کیطرف جائیں گے،بانی چئیرمین پی ٹی آئی عمران خان نے حکم دیا ہے تو انہیں اور عوام کو ہرگز مایوس نہیں کریں گے۔
جنید اکبر خان نے کہا کہ جس تھانے کی حدود میں پاکستان تحریک انصاف (پی ٹی آئی) کا ورکر قید ہوگا تو ورکرز اس تھانے کی حدود میں پہنچیں گے، تمام کارکنان اس تھانے کے باہر دھرنا دیں گے،میں وہی بات کرتا ہو جو کر سکوں،میں اس طرح کے ڈرامے مزید برداشت نہیں کرسکتا۔
انہوں نے مزید کہا کہ ہم نہیں چاہتے پارٹی، اداروں یا حکومت کے ساتھ کسی قسم کا بھی تصادم ہو، پارٹی ہدایات کے مطابق رابطے ہورہے تھے، ہم درمیانی راستہ نکالنا چاہتے ہیں،تاکہ ایک پرامن حل کی طرف جائیں، 8 فروری کو صوابی میں جلسے کے حوالے سے تیاریاں ہو رہی ہیں، صوابی کا جلسہ تاریخ کا سب سے بڑا جلسہ ہوگا۔
صدر پاکستان تحریک انصاف (پی ٹی آئی) کے پی نے کہا کہ وزیر اعلیٰ خیبرپختونخوا سردار علی امین گنڈا پور حکومت پر اور میں پارٹی سیاست پر فوکس کروں گا،پارٹی میں اب جزاء اور سزا کا نظام لاؤں گا،میں کسی وزارت کی دوڑ میں بالکل بھی نہیں ہوں، جو گراؤنڈ میں کام کرے گا وہ آگےآئے گا، حکومت میں تبدیلیاں وزیراعلی کا منڈیٹ ہے میرا کوئی عمل دخل نہیں۔
