تفصیلات کے مطابق خان پور میں میڈیا سے گفتگو کرتے ہوئے مولانا فضل الرحمان کا کہنا تھا کہ کے پی میں گورنر راج نافذ کرنے کی حمایت بالکل بھی نہیں کرتا،موجودہ حالات میں گورنر راج کی ضرورت نہیں اور ایسے حالات بھی نہیں ہیں۔ 

اسلام آباد میں ہونے والے حالیہ واقعات پر تبصرہ کرتے ہوئے انہوں نے ان کی مذمت کی اور کہا کہ ملک میں امن و امان کی صورتحال بہتر ہونی چاہیے۔ 

سربراہ جے یو آئی (ف) مولانا فضل الرحمان نے سیاسی جماعتوں پر پابندی کے حوالے سے کہا کہ کسی بھی جماعت پر پابندی عائد نہیں لگنی چاہیے،کسی سیاسی جماعت کے خاتمے یا پابندی کے حق میں نہیں ہیں، کیونکہ جمہوریت میں ہر جماعت کو اپنا کردار ادا کرنے کا حق حاصل ہے۔ 

ایک سوال کا جواب دیتے ہوئے انہوں نے کہا کہ وہ نجومی نہیں ہیں جو حکومت کی مدت کے بارے میں پیش گوئی کریں۔