عالمی منڈی میں پیٹرولیم مصنوعات کی قیمتوں میں حالیہ معمولی اضافے کے پیش نظر، حکام نے پیٹرول کی قیمت میں 3 روپے فی لیٹر اور ڈیزل کی قیمت میں تقریباً 2.87 روپے فی لیٹر بڑھانے پر غور شروع کر دیا ہے۔

 

 

بین الاقوامی مارکیٹ میں برینٹ کروڈ آئل کی قیمت میں 2 سینٹ اضافہ ہوکر 72.83 ڈالر فی بیرل تک پہنچ گئی، جبکہ یو ایس ویسٹ ٹیکساس انٹرمیڈیٹ کروڈ 5 سینٹ کی کمی کے ساتھ 68.72 ڈالر فی بیرل پر دستیاب ہے۔ ان قیمتوں کے اتار چڑھاؤ نے پاکستان میں پیٹرولیم مصنوعات کے نرخوں کو متاثر کیا ہے۔

 

 

ماہرین کاکہنا ہے کہ اسرائیل اور حزب اللہ کے درمیان حالیہ جنگ بندی کے باعث عالمی منڈی میں تیل کی قیمتیں مستحکم ہونے کا امکان ہے۔ اگر یہ صورتحال برقرار رہی تو پاکستان میں پیٹرولیم مصنوعات کی قیمتیں غیر تبدیل شدہ رہ سکتی ہیں۔

 

 

ملکی حکام نے موجودہ 15 روزہ مدت کے 12 دنوں کے ڈیٹا کی بنیاد پر پیٹرول کی قیمت میں اضافے کا تخمینہ لگایا ہے۔ موجودہ قیمت 248.38 روپے فی لیٹر ہے، جو ممکنہ طور پر بڑھ کر 251.38 روپے فی لیٹر تک جا سکتی ہے۔

 

 

قیمتوں میں ممکنہ اضافے کے پیش نظر عوام غیر یقینی کیفیت میں مبتلا ہیں۔ تاہم، عالمی منڈی میں آئندہ چند دنوں کے رجحانات قیمتوں کے حتمی تعین میں اہم کردار ادا کریں گے۔