لاہور ہائیکورٹ کے جسٹس عاصم حفیظ نے شہری اشبا کامران کی چئیرمین نادرا منیر افسر کی تقرری کیخلاف درخواست پر سماعت کی۔ درخواست میں موقف اپنایا گیا کہ نگراں حکومت نے نادرا قانون میں ترامیم کر کے حاضر سروس آرمی افسر کو تقرر کرنے کی منظوری دی، نگران حکومت مستقل پالیسی معاملات میں مداخلت نہیں کر سکتی۔

درخواست گزار نے عدالت سے استدعا کی کہ عدالت نادرا ترمیمی رولز کو کالعدم قرار دے، عدالت حاضر سروس فوجی افسر کو بطور چیرمین نادرا تقرری کالعدم قرار دے۔

لاہور ہائیکورٹ نے چیئرمین نادرا لیفٹنینٹ جنرل منیر افسر کو عہدے سے ہٹانے کا حکم دے دیا۔