لاہور:درجنوں بار سنگل توڑنے والی گاڑی بند، مالک گرفتار

A traffic police officer is standing next to a vehicle that has violated traffic rules 74 times.

September, 5 2024

لاہور:(سنو نیوز) ٹریفک قوانین کی خلاف ورزی پر ای چالان نادہندگان کے خلاف کارروائی مزید سخت کر دی گئی ہے۔

اسی سلسلے میں 74 مرتبہ جان بوجھ کر ٹریفک قوانین کی خلاف ورزی کرنے والی ایک گاڑی کو پولیس نے پکڑ لیا ہے۔

تفصیلات:

کار ڈرائیور نے 58 مرتبہ ٹریفک سگنل اور 16 مرتبہ لین لائن کی خلاف ورزی کی تھی، جس پر گاڑی کے مالک کو 35,900 روپے کا بھاری جرمانہ عائد کیا گیا ہے، اور گاڑی کو بند کر دیا گیا ہے۔

آپریشن کی تفصیلات:

ٹریفک قوانین کی خلاف ورزی کرنے والوں کے خلاف کاروائی شہر کی اہم شاہراہوں پر جاری ہے، جس میں مال روڈ، جیل روڈ، مین بلیوارڈ گلبرگ، فیروز پور روڈ اور وحدت روڈ شامل ہیں۔

سیف سٹی اور پولیس خدمت مراکز، اور ڈرائیونگ لائسنس ایشوئنس مینجمنٹ سسٹم کو بھی آپس میں منسلک کر دیا گیا ہے تاکہ ای چالان کی بہتر نگرانی کی جا سکے۔

نمبر پلیٹس میں چھیڑ چھاڑ کرنے والوں کے خلاف کریک ڈاؤن:

ای چالان سے بچنے کے لیے گاڑیوں کی نمبر پلیٹس میں چھیڑ چھاڑ کرنے والوں کے خلاف بھی پولیس کا کریک ڈاؤن جاری ہے۔

چیف ٹریفک آفیسر عمارہ اطہر نے شہریوں پر زور دیا کہ شہر میں منظم ٹریفک کے لیے ٹریفک قوانین کا احترام لازمی ہے۔