وزیراعظم آزاد کشمیر چوہدری انوار الحق نے مظفر آباد میں پریس کانفرنس کرتے ہوئے کہا کہ 15 ماہ میں کشمیر میں 3 روپے فی یونٹ بجلی ملنا شروع ہوئی، جو آئندہ بھی جاری رہے گی۔ انہوں نے کہا کہ قومی اسمبلی سے پہلے آزاد کشمیر کی اسمبلی نے ختم نبوت کی قرارداد منظور کی تھی، آج قانون ساز اسمبلی نے 7 ستمبر کو یوم ختم نبوت منانے کی قرارداد منظور کی ہے۔

انہوں نے کہا کہ ترقیاتی منصوبوں پر کام جاری ہے، ترقیاتی منصوبوں کی بروقت تکمیل یقینی بنائیں گے ، ہم نے لوگوں سے جو وعدہ کیا وہ پورا کیا، عوام کو سہولتیں فراہم کرنے کے لیے پرعزم ہیں۔ حکومت پاکستان ترقیاتی منصوبوں میں بھرپور تعاون کر رہی ہے، کشمیر کے عوام کو صحت کی سہولت کی فراہمی کے لیے کوشاں ہیں۔