اندھیرنگری، چوپٹ راج، راتوں رات دوائیوں کی قیمتوں کو بھی پر لگ گئے، ادویات ساز کمپنیوں کی جانب سے نرخوں میں بڑا اضافہ کردیا گیا ہے۔

 بجٹ میں خام مال پر ڈیوٹی میں اضافے کوبنیاد بنا کر ادویات ساز کمپنیوں نے جان بچانے والی سمیت دیگر ادویات کی قیمتیں بڑھا دی ہیں، شہری کہتے ہیں، آٹا پورا نہیں ہو رہا، اتنی مہنگی ادویات کہاں سے خریدیں۔

دوسری جانب میڈیکل اسٹورز مالکان کہتے ہیں ادویات کی قیمتوں میں اضافے نے ان کا کاروبار بھی بری طرح متاثر کیا ہے۔ ادویات کی سیلز پہلے کی نسبت بہت زیادہ کم ہوگئی ہے۔

 واضح رہے کہ نگران حکومت نے ادویات کی قیمتوں کے تعین کا اختیار ڈرگ ریگولیٹری اتھارٹی سے لیکر میڈیسن کمپنیوں کو دے دیا تھا۔