عائزہ خان سے علیحدگی کی افواہوں پر دانش تیمور نے خاموشی توڑ دی

علیحدگی کی افواہوں پر ردعمل دیتے ہوئے دانش تیمور نے کہا کہ وہ عائزہ خان کے ساتھ خوشحال ازدواجی زندگی گزار رہے ہیں۔ ان کا کہنا تھا کہ عائزہ ان کے بچوں کی ماں اور شریک حیات ہیں۔

اداکار نے کہا کہ وہ ان دنوں اپنے نئے پروجیکٹ پر دن رات مصروف ہیں اور فضول باتوں یا جھوٹی خبروں پر توجہ نہیں دیتے۔

یہ بھی پڑھیں: میرا نے ملازمہ پر تشدد کیوں کیا ؟ اصل وجہ سامنے آگئی

دانش تیمور کا کہنا تھا کہ کچھ لوگوں کو ان کی شاندار زندگی اچھی نہیں لگتی، اسی وجہ سے اس طرح کی باتیں سامنے آتی رہتی ہیں۔

اس سے قبل عائزہ خان نے بھی سوشل میڈیا پر ایک مداح کے سوال کا جواب دیتے ہوئے طلاق اور علیحدگی کی خبروں کو مسترد کیا تھا، اداکارہ نے واضح کیا کہ ان سے متعلق گردش کرنے والی ایسی تمام خبریں بے بنیاد اور جعلی ہیں۔