عمران اشرف کے انتقال کی خبر جعلی نکلی، اداکار نے خود تردید کردی
سوشل میڈیا پر مصنوعی ذہانت (اے، آئی) سے تیار کی گئی ایک ویڈیو تیزی سے وائرل ہوئی، جس میں عمران اشرف کے انتقال کی جھوٹی خبر نشر کی گئی تھی۔ ویڈیو سامنے آنے کے بعد ان کے مداحوں میں تشویش پھیل گئی۔
صورتحال کی نزاکت پر عمران اشرف نے انسٹاگرام کے ذریعے وضاحت جاری کرتے ہوئے کہا کہ الحمدللہ وہ بالکل خیریت سے ہیں اور سوشل میڈیا پر چلنے والی خبر جعلی ہے، انہوں نے مداحوں سے دعاؤں کی درخواست بھی کی ہے۔
یہ بھی پڑھیں: دانش تیمور سے علیحدگی؟ عائزہ خان نے افواہوں پر جواب دےدیا
وائرل ویڈیو ایک ٹک ٹاک اکاؤنٹ پر شیئر کی گئی تھی جہاں اسی طرز کی دیگر مصنوعی ویڈیوز بھی موجود ہیں۔ ان ویڈیوز میں مختلف معروف صحافیوں، کرکٹرز اور اداکاروں کو عمران اشرف کے انتقال پر تعزیت کرتے ہوئے دکھایا گیا ہے۔
اسی طرح سوشل میڈیا پر جعلی اور اے آئی سے تیار کردہ مواد کے ذریعے معروف شخصیات کے بارے میں غلط خبریں پھیلانے کا سلسلہ ایک بار پھر توجہ کا مرکز بن گیا ہے۔
