دانش تیمور سے علیحدگی؟ عائزہ خان نے افواہوں پر جواب دےدیا
حال ہی میں عائزہ خان نے انسٹاگرام اکاؤنٹ پر چند نمایاں تبدیلیاں کیں، اس کے علاوہ ان کے اکاؤنٹ سے ایک پوسٹ کے علاوہ دانش کے ہمراہ تصاویر بھی ہٹادی گئیں جس پر مداح خاصے حیران ہوئے۔
اداکارہ کی نجی زندگی سے متعلق چہ مگوئیوں میں اس وقت اضافہ ہوا جب انہوں نے اپنے شوہر دانش تیمور کے ڈرامے ’ہمراہی‘ کے فائنل کی سنیما پریمیئر تقریب میں شرکت نہیں کی۔
تاہم اب عائزہ خان نے ایک فین پیج کی جانب سے کیے گئے سوال کا جواب دیتے ہوئے ان افواہوں کو مسترد کردیا ہے۔
اداکارہ نے واضح کیا کہ ان کی طلاق یا علیحدگی سے متعلق سوشل میڈیا پر گردش کرنے والی خبریں بے بنیاد اور جعلی ہیں۔
عائزہ کے اس ردعمل کے بعد مداحوں نے بھی سوشل میڈیا پر مختلف انداز میں اپنے جذبات کا اظہار کیا۔
یہ بھی پڑھیں: نمرہ خان کی دوسری شادی بھی ختم، سابق شوہر نے طلاق کی تصدیق کردی
بعض صارفین نے جوڑے سے علیحدگی نہ کرنے کی اپیل کی جب کہ کچھ نے سوال اٹھایا کہ اگر افواہیں بے بنیاد ہیں تو عائزہ نے دانش تیمور کے ساتھ تصاویر کیوں ہٹائیں؟
خیال رہے کہ عائزہ خان اور دانش تیمور کو شوبز انڈسٹری کی معروف ترین جوڑی سمجھا جاتا ہے اور یہ وہ جوڑی ہے جسے مداح بھرپور پسند کرتے ہیں۔
