نشہ آور جوس پلاکر اسٹیج اداکارہ کے ساتھ مبینہ جنسی زیادتی
اسٹیج اداکارہ کی جانب سے الزام عائد کیا گیا ہے کہ تعلق کا فائدہ اُٹھاتے ملزم مجھے اپنے گھر لے گیا اور وہاں جا کر مجھے نشہ آور جوس پلا کر میرے ساتھ زیادتی کی، اس کے ساتھ ملزم ناصر نے ذیادتی کے بعد میری برہنہ ویڈیو بھی بنائی۔
لاہور کی تھانہ سبزہ زار پولیس نے اسٹیج اداکارہ عروج کی درخواست پر مقدمہ درج کر لیا، ایف آئی آر کے متن کے مطابق اب ملزم بلیک میل کرتا ہے اور ویڈیو وائرل کرنے کی دھمکیاں دیتا ہے۔
یہ بھی پڑھیں: میر رضا قتل کیس، والد اور دوستوں کا کراچی میں دھرنا
پولیس نے کہا کہ تھانہ سبزہ زار پولیس نے اداکارہ عروج کی درخواست پر مقدمہ درج کیا گیا ہے، ملزم کی گرفتاری کے لئے چھاپے مارے جارہے ہیں جلد گرفتار کر لیا جائے گا۔
یاد رہے کہ 2024 میں ناصر خان نامی شخص نے دن دیہاڑے اداکارہ عروج خان کے گھر پر فائرنگ کی تھی۔
پولیس ذرائع کا کہنا تھا کہ ناصر خان نامی شخص اسلحے کے زور پر اداکارہ سے تعلق استوار کرنے کا خواہاں تھا، وہ چند روز سے اسلحے کے زور پر اداکارہ کو دھمکا رہا تھا۔
