خاندانی ذرائع کے مطابق وہ کافی عرصے سے علیل تھے اور گزشتہ چند روز سے ان کی طبیعت زیادہ ناساز چل رہی تھی۔
اہل خانہ کے مطابق الطاف باجوہ کی نمازِ جنازہ آج شام چار بجے ان کی رہائشگاہ واقع اقبال ٹاؤن بدر بلاک میں ادا کی جائے گی، جس میں شوبز شخصیات، عزیز و اقارب اور مداحوں کی بڑی تعداد کی شرکت متوقع ہے۔
واضح رہے کہ الطاف باجوہ نے اپنے طویل فلمی کیریئر میں پنجابی فلموں کیلئے سینکڑوں یادگار اور سپرہٹ گیت تحریر کیے۔
ان کے لکھے ہوئے نغمات نے نہ صرف فلموں کی کامیابی میں اہم کردار ادا کیا بلکہ موسیقی کے شائقین کے دلوں میں بھی ہمیشہ کیلئے جگہ بنا لی، ان کا منفرد اندازِ تحریر اور سادہ مگر دل کو چھو لینے والے بول ان کی پہچان تھے۔
فنکار برادری کا کہنا ہے کہ الطاف باجوہ کا انتقال لالی ووڈ کیلئے ایک بڑا نقصان ہے، کیونکہ وہ ایک باصلاحیت اور تجربہ کار نغمہ نگار تھے جنہوں نے اپنی محنت اور صلاحیت سے انڈسٹری میں ایک نمایاں مقام حاصل کیا۔
یہ بھی پڑھیں:ٹک ٹاکر فضیلہ عباسی منی لانڈرنگ کیس: تحقیقات میں اہم انکشافات
سوشل میڈیا پر بھی مداحوں اور فنکاروں کی جانب سے ان کیلئے دعاؤں اور تعزیتی پیغامات کا سلسلہ جاری ہے۔
ان کے چاہنے والوں کا کہنا ہے کہ الطاف باجوہ کی خدمات کو ہمیشہ یاد رکھا جائے گا اور ان کے نغمات آنے والی نسلوں کیلئے ایک قیمتی اثاثہ ثابت ہوں گے۔
