نیپال کے معروف اداکار سنیل تھاپا 68 سال کی عمر میں وفات پا گئے، غیر ملکی میڈیا کے مطابق انہیں اچانک طبیعت خرابی کے باعث ناروک اسپتال منتقل کیا گیا تھا جہاں وہ زیر علاج تھے۔

اسپتال کے چیئرمین راجندر بہادر سنگھ نے بتایا کہ اداکار کو بے ہوشی کی حالت میں اسپتال لایا گیا تھا دوران علاج ان کی طبیعت مزید خراب ہو گئی اور وہ انتقال کر گئے، ای سی جی رپورٹ سے معلوم ہوا کہ ان کی موت کی بنیادی وجہ دل کا دورہ تھی۔

یہ بھی پڑھیں: عمران خان کی ذاتی معالجین سے چیک اپ کی درخواست خارج

میڈیا رپورٹس کے مطابق سنیل تھاپا نیپالی فلم انڈسٹری کے نمایاں ستاروں میں شمار ہوتے تھے اور انہوں نے کئی دہائیوں تک نیپالی، بالی وڈ اور بھوجپوری فلموں میں نمایاں کام کیا۔ ان کی فلمی زندگی میں 300 سے زائد نیپالی فلموں کے علاوہ متعدد ہندی اور تامل پروڈکشنز بھی شامل ہیں۔