واقعے کی ویڈیو وہاں موجود افراد نے ریکارڈ کی جو چند ہی گھنٹوں میں سوشل میڈیا پر وائرل ہوگئی۔ ویڈیو میں دیکھا جا سکتا ہے کہ نقاب پوش نوجوان اچانک نمودار ہوتے ہیں، انڈے پھینکتے ہیں اور پھر تیزی سے فرار ہو جاتے ہیں۔ اس دوران چاہت فتح علی خان قدرے حیران اور پریشان دکھائی دیئے۔
یہ بھی پڑھیں: سوشل میڈیا پر گالم گلوچ کرنیوالا ٹک ٹاکر ندیم عرف ماموں گرفتار
چاہت فتح علی خان، جو اپنے منفرد انداز اور مزاحیہ گیتوں کی وجہ سے مشہور ہیں، اس اچانک حملے کے بعد سوشل میڈیا پر موضوعِ گفتگو بن گئے۔ کچھ صارفین نے اس حملے کی سخت مذمت کی اور کہا کہ اختلاف رائے یا مذاق اپنی جگہ لیکن کسی فنکار کے ساتھ اس طرح کا رویہ انتہائی افسوسناک ہے۔ دوسری جانب کچھ صارفین نے طنزیہ اور مزاحیہ تبصرے بھی کیے۔
لندن میں چاہت فتح علی خان پر انڈوں سے حملہ pic.twitter.com/uQYDNhAHN6
— Mehwish Qamas Khan (@MehwishQamas) September 11, 2025
واقعے کے بعد برطانوی پولیس نے تحقیقات کا آغاز کر دیا ہے۔ پولیس حکام کے مطابق علاقے کی سی سی ٹی وی فوٹیج حاصل کر لی گئی ہے اور حملہ کرنے والے دونوں نوجوانوں کی شناخت کے لیے کارروائی جاری ہے۔ پولیس کا کہنا ہے کہ ایسے واقعات عدم برداشت کی نشاندہی کرتے ہیں جنہیں کسی صورت برداشت نہیں کیا جائے گا۔
یہ واقعہ نہ صرف ان کے مداحوں کے لیے تشویش کا باعث بنا ہے بلکہ اس نے ایک بار پھر یہ سوال بھی اٹھا دیا ہے کہ عوامی مقامات پر شخصیات کی حفاظت کے لیے مزید سخت اقدامات کرنے کی ضرورت ہے۔
