جنت مرزا اپنی خوبصورتی، فیشن اسٹائل اور ویڈیوز کے باعث لاکھوں دلوں پر راج کر رہی ہیں، اب ایک نئے اور بابرکت سفر کی جانب روانہ ہوئی ہیں، جس کا مقصد ہے حج کی سعادت حاصل کرنا۔ جنت مرزا اور ان کی بہن علشبہ نے اس موقع پر سادگی کو اپنایا، جو ان کے فالوورز کے لیے ایک غیر متوقع لیکن خوشگوار لمحہ ثابت ہوا۔
یہ بھی پڑھیں: مشہور ٹک ٹاکر ثنا یوسف اسلام آباد میں قتل
انسٹا گرام اور ٹک ٹاک پر نیلے عبایا میں ملبوس ان کی تصاویر اور ویڈیوز نے دیکھتے ہی دیکھتے لاکھوں صارفین کی توجہ حاصل کر لی۔ تصاویر میں دونوں بہنیں اپنے والدین کے ساتھ روانگی کے وقت نہایت خوش اور مطمئن نظر آئیں، گویا ایک روحانی سکون ان کے چہروں سے جھلک رہا ہو۔
سوشل میڈیا پر جنت مرزا کی حج روانگی کی خبر جنگل میں آگ کی طرح پھیل گئی۔ کچھ صارفین نے ان کے اس فیصلے کو سراہتے ہوئے اسے ان کی زندگی کا مثبت قدم قرار دیا جبکہ چند ناقدین نے ان کے لباس یا شہرت کی بنیاد پر تبصرے کیے۔ تاہم، اکثریت نے ان کے لیے نیک خواہشات کا اظہار کرتے ہوئے دعا کی کہ اللہ تعالیٰ ان کا یہ سفر آسان فرمائے اور ان کی عبادات کو اپنی بارگاہ میں قبول فرمائے۔
جنت مرزا کے قریبی ذرائع کے مطابق وہ ہمیشہ سے چاہتی تھیں کہ دنیاوی شہرت کے ساتھ ساتھ روحانی سکون بھی حاصل کریں۔ ان کا یہ سفر اسی خواہش کی تکمیل کی جانب ایک قدم ہے۔ علشبہ انجم، جو خود بھی ایک سوشل میڈیا انفلوئنسر ہیں، نے بھی اسی جذبے کے تحت اپنے خاندان کے ساتھ حج کی سعادت حاصل کرنے کا فیصلہ کیا۔
